Актуелноста на витаминот Д особено дојде до израз во текот на пандемијата со COVID 19, при што се разбуди голем интерес, но се отворија и голем број полемики како кај општата популација така и во стручните и научни кругови. За таа цел, Македонското здружение за ентерална и парентерална исхрана, во соработка со уште шест лекарски здруженија, ја подготви научната публикација со наслов „Насоки за превенција, препознавање и за лекување на недостигот од витамин Д меѓу возрасната популација во Република Северна Македонија“. Таа опфаќа 8 медицински области и 27 заболувања, за кои се дадени препораки за соодветна употреба на витаминот Д. Оваа публикација наменета за здравствените работници има цел да даде осврт на улогата на витаминот Д кај разни ендокринолошки, дерматолошки, гастроентеролошки, ревматолошки, кардиолошки, белодробни, невролошки и психијатриски заболувања. Исто така, таа нуди одговори на прашањата за тоа која е улогата и до кој степен хиповитаминозата со витаминот Д ја влошува веќе развиената клиничка слика, дали хиповитаминозата е причина за заболувањето или негова последица, колкава доза, до која целна вредност и колку долго треба да се суплементира витаминот Д кај разни заболувања, како и кои се докажаните придобивки од корекцијата на хиповитаминозата. Со поддршка на АД „Алкалоид“, публикацијата е отпечатена во тираж од 1.400 примероци и ќе се дистрибуира до лекарските здруженија и до лекарите низ земјава. #АлкалоидСкопје #ЗдравјетоПредСе

Во месецот за подигнување на свесноста за заштита на менталното здравје сакаме да ја подигнеме свеста и да порачаме дека во менталното здравје треба да се вложува исто како во физичкото! Брзиот ритам на живот, секојдневните стресни фактори и изложеноста на различни ситуации често го туркаат менталното здравје во втор план, заради што многу луѓе, особено млади, се соочуваат со последиците од неговото нарушување. Давањето приоритет на менталното здравје е од суштинска важност за општата состојба на луѓето, бидејќи здравјето е пред сѐ во сите негови форми. Ние ви нудиме неколку совети за негување на вашето менталното здравје, а ви препорачуваме и да ја дополните оваа листа со нешта кои знаете дека ви одговараат вам. Здравјето пред сè! #АлкалоидСкопје #ЗдравјетоПредСѐ

Едноставно до блескава чистота со универзалните влажни марамчиња Gloss! Влажните марамчиња Gloss претставуваат модерно решение за одржување на хигиената во домот. Тие служат за брзо и за лесно отстранување секакви нечистотии и дамки од керамички, метални, пластични и од стаклени површини. Сјајот кој го оставаат врз исчистените површини дава беспрекорно чист ефект кој го посакуваме сите. Благодарение на пријатниот мирис на марамчињата вашиот дом не само што ќе блеска туку и ќе мириса пријатно исто онолку колку што ќе изгледа чисто. Искусете ја леснотијата на одржувањето беспрекорен дом со Gloss! #АлкалоидСкопје #ЗдравјетоПредСѐ

АЛКАЛОИД со консолидирани продажби од 79,9 милиони евра, консолидиран извоз од 58,1 милиони евра, инвестиции од 4,8 милиони евра и со 90 нови вработувања во земјата во периодот јануари – март 2024 г. Прочитајте повеќе: https://bit.ly/3Wg2sX2 #АлкалоидСкопје #ЗдравјетоПредСе