„Алкалоид“ со две признанија за придонес во безбедноста и здравјето на своите вработени По повод одбележувањето на Светскиот ден за безбедност и здравје при работа, 28 април, под мотото „БЗР од мали нозе – за идните генерации“, „Алкалоид“ се здоби со две признанија, и тоа за најдобар правен субјект кој реално и стручно придонел во сопствениот развој инвестирајќи/имплементирајќи добри практики во безбедни и здрави работни места за своите вработени и за правен субјект кој најмногу инвестирал во безбедноста и здравјето на своите вработени. Прочитајте повеќе: https://bit.ly/3V37O71 #АлкалоидСкопје #ЗдравјетоПредСе

Природата не е само наша инспирација – таа е и наша одговорност! Good Nature дава максимални заложби во заштитата на животната средина, а секој аспект од нашиот бренд е посветен на зачувување и на почитување на природата. Секоја ќесичка чај е изработена од хартија од неизбелена пулпа, се склопува без употреба на лепила и без дополнителни материјали, како на пример метал или пластика, не содржи микропластика и е биоразградлива. Исто така, конецот на секоја ќесичка е изработен од 100 % памук, а хартиените делови поседуваат FSC-сертификат, кој претставува гаранција дека хартијата е изработена во согласност со сите мерки за заштита на животната средина. Придружете ни се во грижата за природата додека се препуштате на нејзиниот благодат! Секој избор е важен. Изберете Good Nature. #АлкалоидСкопје #ЗдравјетоПредСѐ #GoodNature

Секоја година Монголија традиционално го прославува Меѓународниот ден на докторите. Ова претставува еден од главните настани во областа на здравствената заштита, на кој се собираат стотина доктори и други претставници од националниот систем за здравствена заштита на Монголија за да дискутираат за важни прашања како што се предизвиците со кои се соочуваат медицинските работници, проблемите во здравствениот систем и како спроведувањето на политиките ќе одговори на итните потреби од областа на здравствената заштита. АЛКАЛОИД е присутен на монголскиот пазар со портфолио од повеќе производи и линии. И оваа година претставници од нашата компанија имаа чест да учествуваат на овој настан, но и да го претстават АЛКАЛОИД и дел од неговото портфолио на производи. #АлкалоидСкопје #ЗдравјетоПредСѐ

„Секој нов ден како координатор за безбедност и здравје при работа претставува нов предизвик, особено кога сте дел од реномирана компанија каква што е ’Алкалоид’. Имајќи предвид дека безбедноста е неизоставен дел од сите процеси што се извршуваат, секојдневно сум во контакт со колеги од различни сектори и со голем број надворешни соработници, па, следствено на тоа, оваа позицијата бара спој на техничко знаење, интерперсонални вештини и проактивност во решавањето на проблемите. Со промовирање на безбедносната култура и со континуирано подобрување на процесите, придонесуваме за создавање работни места на кои вработените ќе се чувствуваат безбедно и вреднувано. Улогата на оваа позиција е многу одговорна имајќи ги предвид големиот број барања за усогласеност со законските и со подзаконските акти, но и со меѓународните стандарди и со другите регулативи. Преку секојдневно следење на трендовите и на добрите безбедносни практики во областа, како тим од стручни лица за безбедност при работа одговорни сме за дизајн и за примена на системот за безбедност и здравје при работа, кој ќе овозможи одржување и унапредување безбедна и здрава работна средина за сите вработени. Секогаш водени од компаниското мото „Здравјето пред сѐ“, заедничката посветеност при оптимизација на работата и носењето технички и организациски мерки се од непроценлива вредност“, Филип Манчев, координатор за безбедност и здравје при работа. #АлкалоидСкопје #ЗдравјетоПредСе #Алкариера